Yulian Nagelsmann artıq “Çelsi”nin yeni baş məşqçisi postu uğrunda yarışdan geri çəkilib.
Bu barədə insayder Fabrisio Romano məlumat yayıb.
Onun sözlərinə görə, alman məşqçinin namizədliyi “zadəganlar”ın idarə heyəti ilə çoxsaylı danışıqlardan sonra artıq gündəmdə deyil.
London klubunun potensial çalışdırıcısı kimi adı çəkilən Luis Enrike də yarışdan kənar qalıb.
Məlumata görə, hazırda Maurisio Poçettinonun şansları yüksək qiymətləndirilir.
Xatırladaq ki, “Çelsi” rəhbərliyi aprelin əvvəlində Qrem Potteri istefaya göndərib və Frenk Lempardı mövsümün sonuna qədər müvəqqəti baş məşqçi təyin edib.
