“Barselona” sabiq futbolçusu Lionel Messinin şərəfinə muzey açacaq.
“SizinZaman” xəbər verir ki, Kataloniya təmsilçisinin rəhbərliyi klub akademiyasının “Kamp Nou”nun yanında yerləşən keçmiş binasını argentinalı hücumçunun adını daşıyan muzeyə çevirməyə qərar verib.
“Barsa” oranı əlavə gəlir mənbəyi kimi görür. Klub bu yolla hazırda PSJ-də çıxış edən Messinin mövsümün sonunda azad agent kimi mümkün dönüşü üçün müqavilə xərclərini qismən qarşılayacağına ümid edir.
“Barselona”nın yetirməsi olan Messi 2005-ci ildən 2021-ci ilə qədər klubun əsas komandasında çıxış edib.
