Aprelin 26-da Bakı Fond Birjasında (BFB) “Azərbaycan Respublikası İpoteka və Kredit Zəmanət Fondu” ASC–nin 70 milyon manat həcmində, tədavül müddətli 7200 gün olan istiqrazlarının yerləşdirilməsi üzrə hərrac yekunlaşıb.
BFB-dən AZƏRTAC-a bildirilib ki, hərrac zamanı bir investor tərəfindən 1 sifariş təqdim edilib. Sifarişlərin nominal qiymətlə ümumi məbləği və istiqrazların nominal qiymətlə yerləşdirilmiş həcmi 70 milyon manat olub. İstiqrazlar 2042-ci il dekabrın 19-da ödəniləcək.
