Türkiyədə son 10 ildə 50 adamın öldüyü və bu səbəbdən “ölüm qovşağı” adlandırılan yolda azərbaycanlı sürücü qəza törədib.
Qaynarinfo-nun məlumatına görə, hadisə Ərzurum vilayətinin Tortum rayonunda baş verib.
Bakıdan Türkiyənin Mersin şəhərinə plastik xammal aparan Azərbaycan vətəndaşı Adil Mirzəyevin idarə etdiyi AZ 77-DO-485 dövlət nömrə nişanlı yük avtomobili sözügedən yolda aşıb.
Sürücü Adil Mirzəyev ağır yaralanıb və təcili tibbi yardım maşını ilə Ərzurum xəstəxanasına aparılıb. Qəzada yük avtomobilinə də ciddi zərər dəyib və plastik xammal ətrafa səpələnib.
