Ukraynalı jurnalist Boqdan Bitik Xerson vilayətində rus snayperləri tərəfindən öldürülüb.
“SizinZaman” xarici KİV-ə istinadən xəbər verir ki, bundan əlavə, snayper atəşi nətiocəsində “La Repubblica”nın müxbiri Korrado Zunino yaralanıb.
Hücum Dnepr çayı üzərindəki Antonovski körpüsü yaxınlığında baş verib.
“Hər ikisinin üzərində “Mətbuat” yazılmış gülləkeçirməz jiletlər olub”, – “La Repubblica” qəzeti açıqlayıb.
Ərazidə snayperlər aktiv olduğundan Bitikin cəsədini çıxarmaq mümkün olmayıb. Yaralı jurnalist xəstəxanaya çatdırılıb.
Rusiya hadisə ilə bağlı hələlik heç bir açıqlama verməyib.
