Məhkəmə, xüsusi məhkəmə prosesində Rusiya Federasiyası Silahlı Qüvvələrinin hərbçisini qəsdən adam öldürmə ilə birlikdə müharibə qanunlarını və adətlərini pozmaqda təqsirli bilib.
Qaynarinfo bu barədə Unian-a istinadla xəbər verir.
Baş Prokurorluğun məlumatına görə, o, ömürlük həbs cəzasına məhkum edilib. Prokuror məhkəmədə sübut edib ki, 2022-ci il fevralın 26-da Prilutski rayonunun Krupiçpole kəndinin mərkəzi hissəsində rus hərbçiləri mülki avtomobili saxlayıblar.
Maşında ər-arvad, onların qızı və kürəkəni olub. Təqsirləndirilən şəxslər digər rus hərbçiləri ilə birlikdə dərhal avtomobilə və onun sərnişinlərinə atəş açıblar. Dördünün də öldüyünü güman edən rusiyalı hərbçilər cinayət yerini tərk ediblər.
Prokurorluğun məlumatına görə, cinayət əməlləri nəticəsində bir qadın ölüb, ailənin digər üzvləri xəsarət alıb.
