Braziliyanın cənubundakı Araukariya şəhərinin meri, 65 yaşlı Hissam Hüseyn Dehaini 16 yaşı tamam olan bir qızla evlənib.
“Qafqazinfo” xarici KİV-ə istinadən xəbər verir ki, toydan sonra gəlinin anası yerli administrasiyada vəzifə alıb.
Bu təyinat yerli sakinlər arasında qızğın müzakirələrə səbəb olub və prokurorluq araşdırmaya başlayıb.
Bundan əvvəl qadının Təhsil Nazirliyində məmur olduğu, lakin maaşının xeyli aşağı və nüfuzunun az olduğu bildirilir.
Şəhər meriyası məsələ ilə bağlı açıqlamasında, “Təyinat məmurun vəzifəsinin icrası üçün lazımi şərtlərə cavab verdiyini hesab edən icra başçısının öz ixtiyarındadır”, – qeyd edib.
