Ölkə çempionatının lideri “Qarabağ”ın daha bir matçının vaxtı dəyişdirilib.
Qaynarinfo Peşəkar Futbol Liqasına istinadən məlumat verir ki, Ağdam təmsilçisinin 33-cü turda “Qəbələ” ilə matçı öncədən nəzərdə tutulduğu kimi, mayın 6-da deyil, 8-də oynanılması ilə bağlı qərar verilib.
32-ci turda “Neftçi” – “Qarabağ” görüşü aprelin 30-dan mayın 2-nə təxirə salındığından, ağdamlıların bir tur sonra oynayacağı “Qəbələ” ilə matçın vaxtı da dəyişdirilib.
“Azersun Arena”da “Qarabağ” – “Qəbələ” oyunu saat 20:00-da start götürəcək.
