Salyanda baş verən yol-nəqliyyat hadisəsində 3 nəfər xəsarət alıb.
“Report”un Aran bürosunun məlumatına görə, hadisə rayonun “Avtovağzal dairəsi” adlanan ərazisində qeydə alınıb.
İki minik avtomobilinin toqquşması nəticəsində Salyan rayon sakinləri 1989-cu il təvəllüdlü Sərdarov Əlihüseyn Kəlbihüseyn oğlu, 2000-ci il təvəllüdlü Məlikov Arif Xəlilulla oğlu və 1999-cuil təvəllüdlü Abdullayev Elvin Ziyafət oğlu müxtəlif dərəcəli xəsarətlər alıblar.
Yaralananlar Salyan Mərkəzi Rayon Xəstəxanasına çatdırılıblar.
Faktla bağlı araşdırma aparılır.
