“Azərbaycanda ən çətin həftəsonlarından biri olacaq”.
Oxu.Az xəbər verir ki, bunu “Formula-1” üzrə dünya çempionatında çıxış edən “Ferrari” pilotu Şarl Lekler Azərbaycan Qran-prisi ilə bağlı danışarkən deyib.
26 yaşlı sürücü mövsümün qalan hissəsində müsbət nəticələrə ümid etdiyini söyləyib:
“Üç həftəlik fasilədən sonra şəhər trekində, sadəcə, bir sərbəst yürüşün olması çətinlik yaradacaq. Amma bunu səbirsizliklə gözləyirəm. Təmiz yarış keçirməyə çalışmalıyıq”.
Qeyd edək ki, bu gün “Formula-1”də sərbəst yürüş və sıralama turu gerçəkləşəcək. Bakıda Qran-prinin əsas yarışı aprelin 30-da baş tutacaq.
