“Formula-1” üzrə dünya çempionatında çıxış edən “Ferrari” pilotları Şarl Lekler və Karlos Sayns Azərbaycan Qran-prisi ərəfəsində fanatları ilə görüşüblər.
“Report”un məlumatına görə, sürücülərlə azarkeş zonasındakı görüşdə yüzlərlə tərəfdar iştirak edib.
Məşhur idmançılar bu görüşün onlar üçün xoş olduğunu söyləyiblər. Pilotlar daha sonra azarkeşlərə avtoqraf veriblər.
Qeyd edək ki, bu gün “Formula-1”də sprint yarışı təşkil olunacaq. Ötən gün Şarl Lekler sıralama turunda birinci olub.
Azərbaycan Qran-prisi aprelin 30-da başa çatacaq.
