“Cahan Holding”in şirkətlərinin rəhbər heyəti holdinqin qurucusu Vüqar Abbasovun başçılığı ilə müasir Azərbaycanın memarı, dünya şöhrətli siyasi xadim, xalqımızın ümummilli lideri Heydər Əliyevin anadan olmasının 100 illiyi münasibətilə Fəxri xiyabanda onun məzarını ziyarət ediblər.
“Cahan” kollektivi ulu öndərin məzarı önünə əklil və gül dəstələri qoyaraq əziz xatirəsini hörmət və ehtiramla yad ediblər.
Qeyd edək ki, “Cahan Holding” Azərbaycanda 2023-cü ilin “Heydər Əliyev İli” elan edilməsi ilə əlaqədar ulu öndər Azərbaycana verdiyi töhfələri bir daha xalqımızın diqqətinə çatdırmaq məqsədi ilə “Ümummilli lider Heydər Əliyev 100” adlı görüşlər, konfranslar, muzeylərin ziyarəti və s. silsilə tədbirlər təşkil edib.
