Azərbaycan şahmatçısı Şəhriyar Məmmədyarov Norveçin Stavanger şəhərində təşkil olunan “Norway Chess” turnirində bu gün növbəti oyununu keçirəcək.
Oxu.Az xəbər verir ki, 38 yaşlı qrosmeyster IV turda Özbəkistan təmsilçisi Nodirbek Abdusattorovla üz-üzə gələcək.
Ş.Məmmədyarov 2,5 xalla 9-cudur. Dörd xala malik N.Abdusattorov niderlandlı Aniş Giri ilə 5-6-cı yerləri bölüşdürür.
Qeyd edək ki, “Norway Chess” iyunun 9-da başa çatacaq. Reqlamentə əsasən, birbaşa qələbəyə görə 3 xal verilir. Heç-heçə olacağı təqdirdə rəqiblər armageddonda qarşılaşırlar. Bu halda qalib 1,5, məğlub olan tərəf isə 1 xal əldə edir.
