NATO qoşunları Ukrayna münaqişəsində birbaşa iştirak edə bilər.
Bu barədə NATO-nun keçmiş baş katibi Anders Foq Rasmussen “The Guardian” qəzetinə müsahibəsində bildirib.
“ABŞ də daxil olmaqla NATO-ya üzv dövlətlər alyansın Vilnüsdə keçiriləcək sammitində Kiyevə real təhlükəsizlik zəmanətləri verməsələr, bəzi NATO ölkələri Ukraynaya qoşun göndərmək istəyə bilər”, – deyə o qeyd edib.
Rasmussenin sözlərinə görə, əgər Ukrayna Vilnüsdə hər hansı nailiyyət əldə etməsə, Baltikyanı ölkələr və Polşa Ukrayna hakimiyyətinə kömək üçün oraya göndəriləcək könüllülərdən ibarət koalisiya toplaya bilər.
Bir gün əvvəl isə Ukrayna xarici işlər naziri Dmitri Kuleba NATO baş katibi Yens Stoltenberqlə danışıqlar apardığı barədə məlumat verib. Nazirin sözlərinə görə, Ukrayna tərəfi Rusiya ilə müharibənin davam etməsi fonunda öz ərazisinə alyans qoşunlarını cəlb olunmasına üstünlük vermir.
Mənbə: Gazeta.ru
