Türkiyənin hakim Ədalət və İnkişaf Partiyasının sədr müavini və sədr köməkçiləri vəzifələrinə təyinatlar olub.
Bununla bağlı ölkə prezidenti və partiya rəhbəri Rəcəb Tayyib Ərdoğanın sədrliyi ilə keçirilən İdarə Heyətinin toplantısında qərar verilib.
Təxminən 2 saat yarım davam edən iclasdan sonra partiyanın sədr müavini və sədr köməkçiləri təyinatları açıqlanıb.
Ədalət və İnkişaf Partiyası sədrinin müavini vəzifəsinə xarici əlaqələr üzrə sədr müavini Efkan Ala təyin edilib. Xarici Əlaqələr üzrə sədrin köməkçisi vəzifəsinə Zəfər Sırakaya, İnsan Hüquqları üzrə sədrin köməkçisi vəzifəsinə isə Mehmet Ali Zengin təyin olunub.
Qeyd edək ki, partiyanın böyük qurultayı sentyabr və ya oktyabrda keçiriləcək. Böyük qurultaydan sonra əyalət-rayon qurultayları baş tutacaq.
