Bərdə rayonunda Müalicə-Diaqnostika Mərkəzindən çıxaraq yolu keçmək istəyən iki nəfəri avtomobil vurub.
Bu barədə “Report”un Qarabağ bürosu xəbər verir.
Məlumata görə, hadisə bu gün saat 11 radələrində baş verib.
Xəsarət alan hər iki şəxs ətrafdakı insanların köməkliyi ilə Bərdə Müalicə Diaqnostika Mərkəzinin Təcili Yardım Şöbəsinə yerləşdirilib.
Faktla bağlı araşdırma aparılır.
