Bakı Ağır Cinayətlər Məhkəməsində ərini bıçaqlamaqda təqsirləndirilən K.Yaprakın cinayət işi üzrə məhkəmə istintaqı başa çatıb. Sonuncu keçirilən prosesdə hökm oxunub. Məhkəmənin hökmü ilə ona şərti cəza verilib. İttihama görə, K.Yaprak 29 mart 2023-cü il tarixdə, saat 12:00 radələrində Bakıda yaşadıqları evdə Türkiyə vətəndaşı olan həyat yoldaşı M.Yaprakla mübahisə edib. Mübahisəyə səbəb isə kişinin əvvəllər yaşadıqları Türkiyəyə qayıtmaq təklifinə qadının etiraz etməsi olub. Daha sonra M.Yaprak arvadının ünvanına nalayiq ifadələr işlədib, eləcə də onun baş və sifət nahiyəsinə əli ilə vurmaqla döyüb. Bu zaman K.Yaprak əsəbiləşərək mətbəxdən götürdüyü bıçaqla həyat yoldaşının qarın nahiyəsinə bir dəfə zərbə endirib. Nəticədə M.Yaprakın qaraciyəri zədələnib. İstintaq dövründə K.Yaprakın barəsində Cinayət Məcəlləsinin qəsdən sağlamlığa ağır zərər vurma maddəsi ilə ittiham irəli sürülüb və onunla bağlı polisin nəzarəti altına vermə qətimkan tədbiri seçilib.
Bakıda qadın əcnəbi ərini bu səbəbə görə bıçaqladı – CƏZA
