“Oktyabrın ilk həftəsindən sonra həm daxili nizamnamə, həm də yeni Konstitusiya ilə bağlı digər partiyaları ziyarət edəcəyik”.
“Sözcü” xəbər verir ki, bu sözləri Türkiyənin hakim Ədalət və İnkişaf Partiyasından (AK Parti) olan qrup sədri Abdullah Gülər deyib.
O, əlavə edib: “Prezident Ərdoğan bu yaxınlarda parlamentdəki digər partiyalarla da görüşəcək və birlikdə simvolik yeni Konstitusiyanın elan edilməsi dəvətimizi çatdıracaq. Qəbul etsələr də, etməsələr də biz onların qapılarını döyəcəyik”, – əlavə edib.
Digər tərəfdən, AKP rəsmisi onu da qeyd edib ki, onun parlamentin müxalifət fraksiyaları olan CHP, İYİ Partiya, Yaşıl Sol Partiya və Türkiyə Böyük Millət Məclisində nümayəndələri olan digər partiyalara səfəri gözlənilir.
Ərdoğan müxalifətlə görüşəcək
