Rusiya Dövlət Duması Nüvə Sınaqlarının Hərtərəfli Qadağası haqqında Müqavilənin ratifikasiyasının geri götürülməsi haqqında qanun layihəsini birinci oxunuşda qəbul edib.
Bu barədə parlamentin aşağı palatasının rəsmi “Telegram” kanalında məlumat dərc olunub.
Qanun layihəsi üzrə səsverməni şərh edən Dumanın spikeri Vyaçeslav Volodin yazıb ki, ratifikasiyanın geri götürülməsi ABŞ-nin CTBT-ni ratifikasiya etməkdən imtina etməsi fonunda Rusiyanın təhlükəsizliyinin təmin olunmasına töhfə verməlidir: “Vaşinqton nəhayət başa düşməlidir ki, onların hegemonluğu yaxşı heç nəyə gətirib çıxarmır. Qarşılıqlı hörmət, ikili standartların olmaması, suveren dövlətlərin işlərinə qarışmamaq prinsipləri üzrə dialoqa ehtiyac var. Rusiya Federasiyası öz vətəndaşlarını qorumaq və qlobal strateji paritetin qorunub saxlanmasını təmin etmək üçün hər şeyi edəcək”.
Rusiya nüvə sınaqlarına qadağa müqaviləsindən çıxdı
