Fələstin-İsrail münaqişəsinin növbəti gərginləşməsindən sonra Qəzza zolağında məcburi köçkünlərin sayı 1 milyona çatıb.
Bu barədə BMT-nin Humanitar Məsələlərin Əlaqələndirilməsi İdarəsi bildirib.
“Hərbi əməliyyatların başlanmasından bəri məcburi köçkünlərin sayı 1 milyona çatıb, o cümlədən 352 mindən çoxu hazırda BMT-nin Yaxın Şərqdəki Fələstinli Qaçqınlara Yardım və İş Agentliyinin Qəzza zolağının mərkəzi və cənub hissələrində yerləşən məktəblərində sığınacaq tapıb. Təxminən 55 min nəfər digər 51 sığınacaqda yaşayır”, – deyə qeyd olunub.
Həmçinin bildirilib ki, Qəzza zolağında iki həftəlik əsas ərzaq ehtiyatı, yalnız dörd-beş günlük ərzaq mağazası qalıb.
Qəzza zolağını 1 milyon insan tərk edib – BMT
