Bildiyiniz kimi, sentyabrın 19-dan Azərbaycanda “TikTok” sosial platforması bağlanıb.
Qeyd edək ki, “TikTok”a məhdudiyyət Qarabağda aparılan lokal antiterror tədbirləri zamanı tətbiq edilib. Həmin vaxt verilən rəsmi açıqlamada bildirilmişdi ki, bu məhdudiyyət müvəqqəti xarakter daşıyır. Məhdudiyyətin tətbiqindən isə bir aya yaxın vaxt keçir.
Bəs, “Tiktok” nə vaxt açılacaq?
Elektron Təhlükəsizlik Xidmətinin rəsmisi Ləman Hüseynzadə bildirib ki, hələ məhdudiyyətlə bağlı qərarda hansısa bir dəyişiklik yoxdur:
“Bu məsələ ilə bağlı hələ dəqiq məlumat demək mümkün deyil. Çünki qərarda dəyişiklik yoxdur. Əgər qərar dəyişərsə, ictimaiyyət məlumatlandırılacaq”.
