İsrailin xarici işlər naziri Eli Koen BMT-nin baş katibi Antonio Quterreşi ilə görüşməkdən imtina edib.
“Unikal” xəbər verir ki, bu barədə nazir özünün “X” hesabında yazıb. Koen BMT Təhlükəsizlik Şurasında çıxışı zamanı Fələstin-İsrail münaqişəsi ilə bağlı söylədiyi fikirlərə görə Quterreşi tənqid edib.
“Cənab baş katib, siz hansı dünyada yaşayırsınız? Qətiyyən bizim dünyamızda deyil”, – Koen BMT Təhlükəsizlik Şurasının iclasında deyib.
“Mən Birləşmiş Millətlər Təşkilatının baş katibi ilə görüşməyəcəyəm. Oktyabrın 7-dən sonra balanslı yanaşmaya yer yoxdur. HƏMAS yer üzündən silinməlidir”, – İsrailin xarici işlər naziri vurğulayıb.
