İran Ukraynaya qarşı müharibədə istifadə etmək üçün Rusiyaya ballistik raketlər verməyi nəzərdən keçirir. Bu barədə Ağ Evin sözçüsü Con Kirbi bildirib.”ABŞ İran və Rusiya arasındakı münasibətlərdəki vəziyyəti izləyəcək və lazım gələrsə, müvafiq tədbirlər görəcək”, – deyə məlumatda qeyd olunub. Kirbinin sözlərinə görə, İran daha əvvəl Rusiyaya pilotsuz təyyarələr, idarə olunan bombalar və artilleriya sursatları verib: “İran Rusiyaya dəstək üçün daha bir addım atmağa hazırlaşır. Biz İranın Ukraynada istifadə üçün Rusiyaya ballistik raketlər verməyi nəzərdən keçirməsindən narahatıq”.Onun sözlərinə görə, bu dəstəyin müqabilində Rusiya Tehrana raketlər, elektronika və hava hücumundan müdafiə də daxil olmaqla görünməmiş müdafiə əməkdaşlığı təklif edib. İran Rusiyadan milyardlarla dollar dəyərində hərbi texnika, o cümlədən hücum helikopterləri, radarlar və döyüş təlimçiləri almağa çalışır.
İran Rusiyaya ballistik raketlər verməyi nəzərdən keçirir
