Bu gün 2024-cü ildə Almaniyada keçiriləcək Avropa çempionatının final mərhələsinin püşkü atılacaq.
Hamburqda gerçəkləşəcək tədbir Bakı vaxtı ilə saat 21:00-da başlayacaq.Püşkatmaya 21 milli komanda qatılacaq. Son üç vəsiqənin sahibi pley-off mərhələsindən sonra bəlli olacaq. A, B və C yollarından gələcək yığmalar 4-cü səbətdə yer alacaqlar.AVRO-2024 səbətlər:I Səbət: Almaniya, Portuqaliya, Fransa, İspaniya, Belçika, İngiltərə;II Səbət: Macarıstan, Türkiyə, Rumıniya, Danimarka, Albaniya, Avstriya;III Səbət: Niderland, Şotlandiya, Xorvatiya, Sloveniya, Slovakiya, ÇexiyaIV Səbət: İtaliya, Serbiya, İsveçrə, A yolunda pley-off qalibi, B yolunda pley-off qalibi, C yolunda pley-off qalibi.Qeyd edək ki, Avropa çempionatı 14 iyun – 14 iyulda Almaniyanın 10 şəhərində təşkil olunacaq.
