Xəbər verdiyimiz kimi, Prezident İlham Əliyev Azərbaycan Respublikası Fövqəladə Hallar Nazirliyinin əməkdaşlarına ali hərbi və ali xüsusi rütbələrin verilməsi haqqında Sərəncam imzalayıb. Sərəncama əsasən, 1 nəfərə “general-leytenant” ali hərbi rütbəsi, 1 nəfərə “general-mayor” ali hərbi rütbəsi, 2 nəfərə isə “daxili xidmət general-mayoru” ali xüsusi rütbəsi verilib.
“General-leytenant” ali hərbi rütbəsi alan Etibar Rəsul oğlu İsmayılov Xüsusi Riskli Xilasetmə Xidmətinin rəisidir.
O, bu vəzifəyə ötən ilin avqust ayında təyinat alıb.
Daxili xidmət polkovnikləri Aqşin Böyükağa oğlu Kazımova və Asif Eltufat oğlu Məmmədliyə isə “daxili xidmət general-mayoru” ali xüsusi rütbəsi verilib.
Aqşin Kazımov Dövlət Yanğın Nəzarəti Xidmətinin rəisidir. O, iyun ayında bu vəzifəyə təyin olunub.
Asif Məmmədli isə Dövlət Yanğından Mühafizə Xidmətinin rəisidir.
