Vladimir Putin Şimali Koreya lideri Kim Çen inin KXDR-ə səfər təklifini qəbul edib. Qaynarinfo RBC-ya istinadla xəbər verir ki, bu barədə dövlət başçısının mətbuat katibi Dmitri Peskov bildirib.”Təkbətək söhbət zamanı Kim Çen Putini Şimali Koreyaya səfərə dəvət etdi. “Putin bu dəvəti minnətdarlıqla qəbul etdi”, – deyən Peskov bütün razılaşmaların diplomatik kanallarla davam etdiriləcəyini qeyd edib.O, həmçinin iki lider arasındakı görüşü “çox, çox konstruktiv” adlandırıb. “Şimali Koreya bizim qonşumuzdur və biz bütün mümkün sahələrdə əlaqələri inkişaf etdirmək niyyətindəyik, bunu edəcəyik”, – sözçü əlavə edib.Qeyd edək ki, Kim Çen İn sentyabrın 13-də Rusiyaya səfərindən sonra Putini Şimali Koreyaya dəvət edib. KXDR lideri “Vostoçnı” kosmodromuna gəlib, orada ona və Rusiya prezidentinə ekskursiya təşkil olunub.
Putin Şimali Koreyaya səfər etməyə razılaşdı
