Niderlanddan Rumıniyaya 5 F-16 gətirildi – Ukrayna üçün

İlk 5 F-16 qırıcısı Ukrayna və Rumıniya pilotlarına təlim keçmək üçün Niderlanddan Rumıniyaya göndərilib. “Unian” xəbər verir ki, bu barədə Niderlandın müdafiə naziri Kaysa Ollonqren bildirib.Ümumilikdə, ölkə Rumıniyada yaxın vaxtlarda açılacaq Avropa təlim mərkəzi üçün bu qırıcılardan 12-18 ədədini tədarük edəcək.Xatırladaq ki, ötən ilin 24 fevralında Rusiyanın Ukraynaya hücumu nəticəsində başlayan müharibə davam edir. Rusiya Ukraynanın Xerson və Zaporojye vilayətlərini, habelə qondarma “Donetsk XR” və “Luqansk XR” separatçı qurumlarını birtərəfli qaydada ilhaq etdiyini açıqlayıb.