Rusiya istehsalı olan Sukhoi Su-35 döyüş təyyarələri, Mil Mi-28 hücum helikopterləri və Yak-130 reaktiv təlimçilərinin İrana çatdırılması ilə bağlı razılaşmalar yekunlaşıb.”Unikal” xəbər verir ki, bu barədə İranın müdafiə nazirinin müavini bildirib.Briqada generalı Mehdi Fərahi İran Silahlı Qüvvələrinin döyüş bölmələrinə qoşulmaq üçün Sukhoi Su-35 döyüş təyyarələri, Mil Mi-28 hücum helikopterləri və Yak-130 reaktiv təlimçilərinin planlarının yekunlaşdığını bildirib.
Onun sözlərinə görə, bu üç qabaqcıl hərbi təyyarə mütləq İranın sərəncamında olacaq və hazırda proseslər gedir.General qeyd edib ki, İran kəmiyyət baxımından regionda ən güclü hərbi helikopter parkına malikdir və bir neçə layihə həyata keçirdikdən sonra helikopterin imkanlarını təkmilləşdirib.
