Yaponiya, Böyük Britaniya və İtaliya gələn həftə Tokioda reaktiv qırıcıların istehsalı üçün birgə təşkilat və filial qrupunun yaradılmasına dair yeni saziş imzalayacaqlar.
Bu barədə “Reuters” məlumat yayıb.
Hökumətlərarası qurum Britaniyanın “BAE Systems PLC”, Yaponiyanın “Mitsubishi Heavy Industries” və İtaliyanın “Leonardo” şirkətlərinin sənaye qrupuna rəhbərlik edəcək.
Ölkələrin parlamentləri tərəfindən ratifikasiya ediləcək saziş, London və Tokioda yeni nəsil döyüş təyyarələrinin hazırlanması səylərini birləşdirərək ilk böyük müdafiə sənayesi əməkdaşlığını başlatdıqdan bir il sonraya təsadüf edir.
