Fransız azarkeşlər aprelin 29-da “Nant” və “Tuluza” arasında keçiriləcək ölkə kubokunun finalında Fransa Prezidenti Emmanuel Makrona qarşı aksiya keçirə bilərlər.
“Qafqazinfo” xəbər verir ki, bu barədə RMC Sport məlumat yayıb.
Bildirilib ki, Parisin “Stad de Frans” stadionunda keçiriləcək oyundan əvvəl qırmızı vərəqə və fitlərin paylanmasını planlaşdıracaq. İctimai nəqliyyatın çıxışlarında atributların paylanacağı gözlənilir.
“Bu aksiya pensiya islahatlarına münasibətimizi göstərmək üçün nəzərdə tutulub. Qırmızı vərəqələrə qadağa qoymaq gülünc olardı” – deyə aksiyanın təşkilatçısı Kamel Brahmi bildirib.
Həmçinin, stadionda elektrik enerjisinin kəsilməsi ilə bağlı aksiya istisna edilmir ki, bu da Makronun son ictimai çıxışlarında artıq baş verib. Bu səbəbdən “Stad de Frans”da əlavə dörd generator quraşdırılacaq.
Qeyd edək ki, Fransa Prezidenti ənənəvi olaraq ölkə kubokunun final oyunlarında iştirak edir, lakin bu il Makronun oyuna gedəcəyi barədə məlumat verilməyib.
