İmişlidə avtomobil aşıb.
APA xəbər verir ki, 1981-ci il təvəllüdlü Adəm Mətləb oğlu Ağayev idarə etdiyi “Mercedes-Benz” markalı avtomobillə Ağsu-Kürdəmir-İmişli magistral yolunun İmişli rayonu, Ağaməmmədli kəndi ərazisindən keçən hissəsində idarəetməni itirərək yolun hərəkət istiqamətinin sağ tərəfinə aşıb.
Nəticədə avtomobildə olan 1967-ci il təvəllüdlü Bayram Məmmədağa oğlu Qasımov aldığı xəsarətlərdən hadisə yerində ölüb, A.Ağayev isə müxtəlif dərəcəli bədən xəsarətləri alıb.
