“Mançester Siti”nin baş məşqçisi Pep Qvardiola komandasının hücumçusu Erlinq Holand və PSJ-nin futbolçusu Lionel Messinin oyun keyfiyyətlərini müqayisə edib.
“Heç kim Messi ilə müqayisə edilə bilməz. Məncə, bu cür yanaşma Erlinqə kömək etməyəcək, amma məqsəd və mentalitet baxımından onları müqayisə etmək olar. Messi 10-15 ildir ki, hər mövsüm belədir. Vurulan qollara görə Holand onunla eyni səviyyədədir. O, demək olar ki, hər matç fərqlənir. Ümid edirəm, Erlinq Messiyə mümkün qədər yaxınlaşa bilər”.
Holand bu mövsüm İngiltərə Premyer Liqasında 30 oyun keçirib, 34 qol və 7 məhsuldar ötürmə ilə yadda qalıb. O, Çempionlar Liqasında səkkiz matçda daha 12 qol vurub və bir məhsuldar ötürmə edib.
Messi 2008-2012-ci illərdə “Barselona”da Qvardiolanın rəhbərliyi altında oynayıb.
Mənbə: ESPN
