Bəstəkar-müğənni Sivva yeni “Bu sənmisən” adlı mahnısını təqdim edib.
Oxu.Az xəbər verir ki, mahnının söz və musiqisi İsmayıl Əliyevə, aranjimanı Camal Qurbanova aiddir.
Sənətçi həmçinin fərqli ekran işini də nümayiş etdirib. Klipin rejissoru Emin Muradovdur. Klipdə Sivvanın rəqsi diqqət çəkib.
Onu da əlavə edək ki, sənətçi hazırda əvvəllər “Avroviziya” təmsilçimiz Nadir Rüstəmlinin prodüseri olmuş bir çox böyük layihə, festivalların təşkilatçısı Azər Zeynlə əməkdaşlıq edir. Azər Zeyn bir müddət əvvəl Nadirlə əməkdaşlığını sonlandırıb və daha sonra Sivva ilə fəaliyyətə start verib. “Bu sənmisən?!” adlı layihə isə bu iş birliyinin ilk məhsuludur.
